ಬೈಕ್ ಹಾಗೂ ಕಾರು ಡಿಕ್ಕಿ ದಂಪತಿಗಳ ಸಾವು.

ಶಿರಾ : ಬೈಕ್ ಹಾಗೂ ಕಾರು ಡಿಕ್ಕಿ ಬೈಕ್ ನಲ್ಲಿ ತೆರಳುತ್ತಿದ್ದ ದಂಪತಿಗಳ ಸಾವು.

ದ್ವಿಚಕ್ರ ವಾಹನದಲ್ಲಿ ತೆರಳುತ್ತಿದ್ದ ದಂಪತಿಗೆ ವೇಗವಾಗಿ ಹಿಂದಿನಿಂದಬಂದ ಕಾರು ಡಿಕ್ಕಿ ಹೊಡೆದಿದ್ದು, ಇಬ್ಬರೂ ಮೃತಪಟ್ಟಿರುವ ಘಟನೆ ಶಿರಾ ತಾಲ್ಲೂಕಿನ ದ್ವಾರಳು ಸೇತುವೆ ಬಳಿ ರಾ.ಹೆ. 48 ರಲ್ಲಿ ನಡೆದಿದೆ.

ಮೃತ ದುರ್ದೈವಿಗಳನ್ನು ಉಮಾದೇವಿ- 50 ವರ್ಷ ರಾಮಕೃಷ್ಣ -55 ವರ್ಷ ಕೆ. ರಂಗನಹಳ್ಳಿ ಶಿರಾ ತಾಲ್ಲೂಕು ಎಂದು ಗುರುತಿಸಲಾಗಿದೆ.

ಮೃತ ದಂಪತಿಗಳು ತಮ್ಮ ಊರು ಕೆ. ರಂಗನಹಳ್ಳಿ ಯಿಂದ ಶಿರಾ ಕಡೆಗೆ ಬರುತ್ತಿರುವ ಸಮಯದಲ್ಲಿ ದ್ವಾರಳು ಸೇತುವೆಬಳಿ ಹಿಂದಿನಿಂದ ಬಂದ ಕಾರುಡಿಕ್ಕಿ ಹೊಡೆದಿದೆ ಎನ್ನಲಾಗಿದೆ.

ಅಪಘಾತದ ರಭಸಕ್ಕೆ ದ್ವಿಚಕ್ರ ನಲ್ಲಿದ್ದ ದಂಪತಿಗಳು ರಸ್ತೆಗೆ ಎಸೆಯಲ್ಪಟ್ಟಿದ್ದು ಸ್ಥಳದಲ್ಲಿ ಮೃತಪಟ್ಟಿದ್ದಾರೆ. ಅಪಘಾತದ ಭೀಕರ ದೃಶ್ಯ ಮನ ಕಲಕುವಂತಿತ್ತು. ಸ್ಥಳಕ್ಕೆ ಶಿರಾ ಗ್ರಾಮಾಂತರ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲು ಮಾಡಿದ್ದಾರೆ.

ವರದಿ ಶಿರಾ ಶ್ರೀಮಂತ್.