ಎರಡು ದ್ವಿಚಕ್ರ ವಾಹನಗಳು ಮುಖಮುಖಿ ಡಿಕ್ಕಿ ಹೊಡೆದು ಇಬ್ಬರು ಸ್ಥಳದಲ್ಲಿಯೇ ಸಾವು

ಗುಬ್ಬಿ: ಎರಡು ದ್ವಿಚಕ್ರ ವಾಹನಗಳು ಮುಖಮುಖಿ ಡಿಕ್ಕಿ ಹೊಡೆದು ಇಬ್ಬರು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

  ತಾಲ್ಲೂಕಿನ ಕಸಬಾ ಹೋಬಳಿಯ ಸಿಎಸ್ ಪುರ ರಸ್ತೆಯ ಕೊಪ್ಪಗೇಟ್ ಬಳಿ ಭಾನುವಾರ ಬೆಳಿಗ್ಗೆ

ಹೀರೋ ಸ್ಪ್ಲೆಂಡರ್ ಹಾಗೂ ಬಜಾಜ್ ಡಿಸ್ಕವರಿ ಬೈಕುಗಳ ಸವಾರರ ನಡುವೆ ಅಪಘಾತ ಸಂಭವಿಸಿದೆ.

 ಮೃತರನ್ನು ಮಸ್ಯಮ್ಮನಹಟ್ಟಿ ಸಿದ್ದರಾಜು 40 ವರ್ಷ ಹಾಗೂ ನೇರಳೆಕಟ್ಟೆ ಪಾಳ್ಯದ ರವಿಕುಮಾರ್ 32 ವರ್ಷ ಎಂದು ಗುರುತಿಸಲಾಗಿದೆ ಸಿ ಎಸ್ ಪುರ ಭಾಗದಿಂದ ಗುಬ್ಬಿ ಕಡೆಗೆ ಆಗಮಿಸುತ್ತಿದ್ದಸಿದ್ದರಾಜು ಮತ್ತು ಗುಬ್ಬಿಯಿಂದ ನೇರಳೆ ಕಟ್ಟೆ ಪಾಳ್ಯಕ್ಕೆ ಹೋಗುತ್ತಿದ್ದ ರವಿಕುಮಾರ್ ಇಬ್ಬರ ನಡುವೆ ಮುಖ ಮುಖಿ ಡಿಕ್ಕಿ ಸಂಭವಿಸಿ ಸ್ಥಳದಲ್ಲಿಯೇ ಇಬ್ಬರು ಸವಾರರು ಸಾವನ್ನಪ್ಪಿರುವಂತಹ ಘಟನೆ ನಡೆದಿದೆ ಇದರಿಂದ ಸ್ವಲ್ಪ ಹೊತ್ತು ಸಂಚಾರದಲ್ಲಿ ಅಸ್ತವ್ಯಸ್ತ ಗೊಂಡಿತ್ತು. ಪೊಲೀಸರು ಸ್ಥಳೀಯರ ನೆರವಿನಿಂದ ತುರ್ತು ಕ್ರಮ ಕೈಗೊಂಡು ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು. ಮರಣೋತ್ತರ ಪರೀಕ್ಷೆಯ ನಂತರ ಶವಗಳನ್ನು ವಾರಸುದಾರರಿಗೆ ಹಿಂದಿರುಗಿಸಲಾಗಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ. 

 ಇಂದು ಇಬ್ಬರು ಮೃತರ ಗ್ರಾಮಗಳಲ್ಲಿ ಮಣ್ಣೆತ್ತಿನ ಅಮಾವಾಸ್ಯೆ ಹಬ್ಬ ಇದ್ದು ಈ ಸಾವುಗಳಿಂದ ಗ್ರಾಮದಲ್ಲಿ ಸೂತಕದ ಛಾಯೆ ಆವರಿಸಿ ದಂತಾಗಿದೆ. ಕುಟುಂಬಕ್ಕೆ ಆಧಾರ ಸ್ತಂಭವಾಗಿದ್ದ ಇವರ ಅಕಾಲಿಕ ಸಾವನ್ನು ಕೇಳಿ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.